مكتوبة قصيدة l الخوه مطشره ll - الشاعر علي المنصوري
قصيدة ll الخوه مطشره ll - الشاعر علي المنصوري 2016
(( قصيدة ذم عن الصديق))
هنو ابليس كَلوله التريده ايصير
لا يتعب علينه الخوه مطشره
تعبتلهم مثل ماتتعب ام التوم
تكَضي الليل حسره اتدفع بحسره
الفلح ماعندها غيره وتحجي وي الفاس
مو صافي حليبه اليطعن الشجره
الذموني بكَفاي استورحوا عطاب
اليذم النار يخلص بالبرد عمره
المجافي الحطب ينجوي من الدخان
هيه من الله تكتل حوبة الفقره
يجوني ولو مشوا اترس كَفاهم شوف
بالموادع غشيم وماخذت شمره
آخذ رايهم حتى من اريد ارتاح
النفس لو مارضوا يتعب ومااجره
شمس البصره من تطلع تنشف الماي
ويجيني صويحبي بسوالفه المره
وأوكَف بالشمس وأترس مجانه فياي
كلشي يهون بس لاتعركَـ العِشره
فطيره امي تعيد من يجوّن ضيوف
وتهلي لحد ما تترس السفره
الماشابع دفو ابيت اهله لايحتار
الهلا بحلكَـ امي جنها حرورة الجمره
الماعنده فرس شيعبره ذاك الصوب
وأنا الداعيك فرس محجله وشكَره
طبكَت جفوني بس حاسب الليل حساب
وأعرف كل شهر جم ليلة بيّ كَمره
نشفوا ماي واليسألني أكَلهم بير
وشمرة ماي بعد البير عالحفره
يحيكولي سوالف عليّ نص اردان
الرابي ويه المضيف سوالفه الغتره
اليحجي اعله الشمس يعركَـ بطاري الصيف
ويحمل برد كلما يطر صحره
صور جانوا ابالي وشكَكَتها الريح
وأريد أنساهم وتتخوصر الذكرى
ليست هناك تعليقات:
إرسال تعليق
عبر لنا عن رئيك